Danimarka siguron gjysmëfinalen, fut në "sherr" Sulçen me Rizën
Nga OraNews Përditësimi i fundit 3 Korrik 2021, 22:54
Danimarka nuk zhgënjen dhe vijon të mahnitë në Kampionatin Europian pas asaj drame të fortë në nisje kur humbi Eriksen nga skuadra. Skuadra e Hjulmand mposhti 2-1 Republikën Çeke duke prerë biletën për në gjysmëfinalen e Euro 2020.
I ftuar në studion e "Ora Sport" Altin Sulçe tha se Danimarka që nga ndeshja e parë e ka rritur performanën. Por kjo u kundërshtua nga Florian Riza, i cili tha se Danimarka ka bërë shumë gabime edhe në ndeshjen e sotme.
Sulçe: "Danimarka nga ndeshja në ndeshje e ka rritur performancën që nga ndeshja e parë që nuk vajti mirë. Më pas e ka rregulluar lojën."
Riza: "E ka rritur dukebërë..nëse natën e parë bëri 50 pasime gabim, në këtë të fundit bëri 350. Kështu e ka rriutr lojën?"
Sulçe: "Nuk po të kuptoj, ku e ke fjalën?"
Riza: "Në ndeshjen e parë bëri 50 pasime gabim Danimarka, në ndeshjen e fundit bëri 500 pasime gabim."
Sulçe: "Pse bëri? Ku e pe ti?"
Riza: "Nëse e ka rritur lojën kështu 'okay'. Sepse nuk e ka rritur pra lojën. Ka bërë aq shumë gabime sot sa çuditem. Edhe mund të mos ishte kualifikuar. Shumë gabime në pasime."
Sulçe: "E para, fituesi nuk gjykohet."
Riza: "E gjykoj unë."
Sulçe: "Është rregulli i futbollit, nuk e gjykon dot. Çfarëdo të thuash nuk ka vlerë kur ekipi ka fituar. Kjo e jotja është pavlerë sepse ekipi është në 4 më të mirat e Evropës."
