Zjarr në afërsi të Malit të Gjerë në Gjirokastër, digjet një stan bagëtish
Nga OraNews Përditësimi i fundit 2 Korrik 2021, 19:09
Disa kullota në të Malit të Gjerë në Gjirokastër janë përfshirë nga zjarri.
Reparti zjarrfikës me në krye drejtuesin e këtij reparti Kujtim Bizhga, kanë shkuar në vendngjarje ku po "luftojnë" me flakët në kushte tepër të vështira.
Flakët kanë shkaktuar djegien e një stani bagëtish në vendin e quajtur Blënjë, ndërkohë që dy stane të tjerë kanë shpëtuar falë ndërhyrjes së zjarrfikësve.
Dëmi i shkaktuar përllogaritet në mbi 10 ha kullota. Burime policore konfirmojnë se zjarri ka qenë i qëllimshëm dhe për këtë janë shoqëruar në polici tre persona.
