ONM ankimoi vendimin për Elisabeta Imeraj, Soreca: Kolegji i Posaçëm i Apelit të shqyrtojë çështjen me integritet dhe pavarësi
Nga OraNews Përditësimi i fundit 22 Qershor 2021, 13:59
Komisioni i Pavarur të Kualifikimit konfirmoi në detyrë kryeprokuroren e Tiranës, Elisabeta Imeraj.
Por ditën e djeshme përmes një njoftimi Institucioni i Komisionerëve bëri me dije se Operacioni Ndërkombëtar i Monitorimit i ka rekomanduar të kërkojë ankimin e vendimit të KPK në Kolegjin e Posaçëm të Apelimit. Komisioneri Publik ka nxjerrë deklaratën e ONM-së ku thuhet se kryeprokurorja duhet të rivlerësohet për të tria kriteret.
Ambasadori i BE-së, Luigi Soreca ka reaguar në lidhje me kërkesën e ONM për vendimin e KPK për Elisabeta Imeraj.
Soreca thotë se Kolegji i Posaçëm i Apelit duhet ta shqyrtojë çështjen me integritete dhe pavarësi.
"Ne e mbështesim plotësisht rekomandimin e Vëzhguesve Ndërkombëtarë për apelim të vendimit të KPK. Ne shpresojmë që Kolegji i Posaçëm i Apelit të shqyrtojë çështjen me integritet dhe pavarësi për të siguruar që çështjet e rëndësishme të theksuara në rekomandimin për apelim të konsiderohen siç duhet," shkruan Soreca në Twitter.
We fully support the International Observers’ recommendation for appeal. We look forward to the Special Appeal Chamber reviewing the case with integrity and independence to ensure that the significant issues highlighted in the recommendation for appeal are duly considered. https://t.co/cabWzuZ6gN
— Luigi Soreca???????? (@LSorecaEU) June 22, 2021
