Mbërrijnë përmes Rinasit 11 700 doza të tjera të vaksinës Pfizer
Nga OraNews Përditësimi i fundit 21 Qershor 2021, 21:25
Kanë mbërritur në vendin tonë përmes aeroportit ''Nënë Tereza'' 11,700 doza të tjera të vaksinës Pfizer.
Lajmin e ka bërë me dije kryeministri Rama në Facebook i cili sasie totale e vaksinave anticovid ka shkuar në 1,079,650.
Rama: Aeroporti “Nënë Tereza” - Kanë mbërritur sërish edhe 11,700 doza të tjera të vaksinës Pfizer, duke e çuar në 1,079,650 sasinë e vaksinave AntiCovid të mbërritura deri tani. Me zgjerimin e fashës së vaksinimit për qytetarët +50 vjeç, vijojmë pa u ndalur me planin kombëtar të vaksinimit dhe nuk do të ndalemi, derisa qytetari i fundit të jetë vaksinuar.
Kujtojmë se këto vaksina do të vazhdojnë të vijnë çdo javë deri në muajin gusht si një dhuratë nga Bashkimi Evropian për vendin tonë.
