"Një hapësirë më shumë për turizmin", Rama ndan videon nga hapja e aerodromit të Gjirokastrës

Nga OraNews Përditësimi i fundit 6 Qershor 2021, 08:26

Kryeministri Edi Rama ka ndarë me ndjekësit e tij në rrjetet sociale këtë të dielë pamje nga çelja e aerodromit të Gjirokastrës.

Shefi i qeverisë thotë se aerodromi do të jetë një hapësirë më shumë për turizmin e zonës.

Pas 30 viteve mungesë, qytetarët e Gjirokastrës pritën të shtunën (5 qershor) në aerodromin e qytetit të gurtë, 4 aeroplanë sportivë.

Organizatorë të aktivitetit pohuan se pavarësisht dëshirës së mirë, pista vazhdon ende të ketë probleme teknike dhe kërkohet më shumë mbështetje nga qeveria.