Të shtëna me armë zjarri në Tiranë, plagoset 19-vjeçari
Nga OraNews Përditësimi i fundit 27 Maj 2021, 16:04
Të shtëna me armë zjarri janë regjistruar pasditen e sotme në Tiranë,në rrugën “Liman Kaba”, në afërsi të një lokali. Burime për Ora News, bëjnë me dije se si pasojë ka mbeturi plagosur një person në moshën 19-vjeçare.
Mësohet se ka mbetur i plagosur Reginaldo Kaçorri nga Rrësheni, sakaq policia bën me dije se ngjarja ka ndodhur pas një konflikti të çastit me dy persona ende të paidentifikuar nga ana e Policisë.
Mësohet se Kaçorri është plagosur në bark, ndërkohë ende nuk dihet gjendja shëndetësore e tij.
"Rreth orës 15:45, në rrugën “Liman Kaba”, në afërsi të një lokali, në rrethana ende të paqarta është plagosur dyshohet me armë zjarri shtetasi R. K., 19 vjeç, i cili ndodhet në spital, nën kujdesin e mjekëve. Paraprakisht dyshohet se ngjarja ka ndodhur pas një konflikti të çastit me dy shtetas ende të paidentifikuar nga ana e Policisë.'- njofton policia e Tiranës.
Policia ka shkuar në vendngjarje dhe po punon për sqarimin e rrethanave të ngjarjes dhe mbledhjen e çdo prove të mundshme që do çojë në identifikimin dhe kapjen e autorëve.
