Manastirliu: Këtë javë mbërrijnë në Shqipëri 11.700 vaksina Pfizer
Nga OraNews Përditësimi i fundit 3 Maj 2021, 16:04
Ministrja e Shëndetësisë, Ogerta Manastirliu teksa mbikëqyr vaksinimin në sheshin "Skënderbej" ka njoftuar se këtë javë do të mbërrijnë mbi 11 mijë vaksina Pfizer në Shqipëri
Manastirliu thotë se deri tani numri total i vaksinave të ardhura në Shqipëri është mbi 736 mijë.
"Sheshi Skënderbej - Vijojmë papushim tanimë drejt objektivit 1 milion vaksina të kryera
Këtë javë do të mbërrijnë 11 mijë e 700 vaksina Pfizer, teksa numri total i vaksinave të ardhura në Shqipëri është mbi 736 mijë," shkruan Manastirliu krahas videos.
"Përgjatë muajit maj ne presim rreth 99 mijë vaksina të tjera nga kontratat që kemi lidhur me Covax dhe Pfizer," tha Manastirliu.
