Karnavalet e Nartës, festa pagane që pason Pashkën ortodokse, tre ditë festime
Nga Edi Ruçi Përditësimi i fundit 3 Maj 2021, 12:54
Në Nartë të Vlorës po zhvillohen karnavalet, një festë me origjinë pagane që kremtohet nga banorët atje për tre ditë pas Pashkës Ortodokse. Një rast unikal, që për banorët e zonës është traditë e krenari
Për tre ditë nga e diela në të martë, fshati Nartë në Vlorë është në festë.
Pas Pashkës Ortodokse, jane karnavalet. Këngë, valle e lojëra.Veshje popullore e maska.
Një festë me origjinë pagane në Ditën e Madhe të Pashkës përbën një rast unikal.
Një organizim i veçantë që vijon si traditë e krenari ndër breza.
Karnavalet e Nartës tërhiqnin shumë vizitorë, por prej dy vitesh pandemia i kufizon festimet.
Prej dy vitesh pjesëmarrësit janë më të paktë, ndërsa emigrantët munguan edhe këtë vit.
Sipas historianëve në shekullit të 19-të, karnavalet nisën të festoheshin me maska të cilat përgatiteshin nga vetë banorët me copa dhe materiale të ndryshme.
