Policia rrit forcat në pikat kufitare
Nga OraNews Përditësimi i fundit 22 Prill 2021, 14:39
Në prag të zgjedhjeve parlamentare të së dielës, edhe policia Kufitare është mobilizuar për një proces sa më të rregullt, duke shtuar kapacitetet për këtë proces. Nga Kakavija, drejtori i Departamentit të Kufirit dhe Migracionit pranë Policisë së Shtetit, Eduart Merkaj ka inspektuar masat e policisë.
Merkaj ka deklaruar se së bashku me strukturën Europiane Fronteks kanë një vëmendje të shtuar në kufiri ne gjelbër, pasi sipas tij ajo është një zonë e rëndësisë së veçantë.
"Për sa i përket masave të mara, për sa i përket kufirit të gjelbër i cili le të themi që është një nga pjesët që policia e shtetit dhe policia kufitare që janë më me risk për kontrollin e këtij kufiri pasi element të ndryshëm kriminal ose të dyshuar për vepra penale mund të mendojnë apo mund të kryejnë veprat penale të cilët kryen në kufij."
Ndërkohë, policia e shtetit, ne të gjithë vendin ka mobilizuar struktura te posaçme në të gjithë qendrat e votimit në 12 qarqe.
