Apeli kthen për hetim "Velierën", prokuroria ka tre muaj kohë
Nga OraNews Përditësimi i fundit 22 Prill 2021, 13:21
Çështja "Veliera" do të rikthehet për hetim në prokurorinë e Durrësit.
Gjykata e Apelit Durrës ka rrëzuar vendimin datës 2 Shkurt të gjyqtarit të Shkallës së parë, Petraq Curri i cili që pranoi kërkesën e Prokurorisë për mbylljen e hetimit.
Vendimi është marrë këtë të enjte nga treshja e gjyqtarëve Anita Mici, Desart Avdulaj dhe Izet Dushaj.
Ai detyron Prokurorinë e Durrësit të rinisë dhe përfundojë Brenda 3 muajve hetimet bazë të kallzimit të shoqërisë civile për dëmet arkeologjike që shkaktohen si pasojë e projektit të bashkisë së Durrësit.
Për përfaqësuesit e shoqërisë civile rikthimi i çështjes për hetim ishte fitore e kauzës për mbrojtjen e trashëgimisë.
"Jemi krenarë dhe falenderojmë Gjykatën dhe gjithë ata që na mbështetën, duke ju përfshirë ju gazetarët, zërin e lirë të qytetit durrsak."
Në vitin 2018 Gjykata e Durrësit vendosi të pushojë çështjen për shpërdorim detyre ndaj ish-kryebashkiakut të Durrësit, Vangjush Dako.
Foto: Vendimi i Gjykates se Apelit Durres per "Velieren" 22/04/2021
