Lushnje/ Makina del nga rruga përfundon në kanal, humbin jetën dy elektriçistë
Nga OraNews Përditësimi i fundit 6 Prill 2021, 19:41
Dy të vdekur është bilanci i një aksidenti të ndodhur mbrëmjen e sotme në Lushnje.
Aksidenti u shënua rreth orës 18:30 minuta në aksin Lushnje - Krutje.
Nga informacionet mjeti në të cilën udhëtonin viktimat ka dalë nga rruga dhe ka përfunduar në kanal. Përplasja ka qenë fatale për jetën e dy personave që udhëtonin në makinë.
Viktimat janë Ilir Shabani Mihal Jani të cilët po ktheheshin nga puna si elektriçiste.
"Sot rreth orës 18:30, në aksin rrugor Lushnjë-Krutje, në fshatin "Gurrëz e vogël", automjeti tip “Reno “, ka dalë nga rruga, ku për pasojë janë dëmtuar dhe kanë ndërruar jetë drejtuesi dhe pasagjeri në mjet. Grupi hetimor po punon për identifikimin e viktimave dhe zbardhjen e plotë të ngjarjes"informoi policia.
