Dy ambasadore në Shqipëri infektohen me Covid-19: Yuri Kim e SHBA dhe Elsa Hastad e Suedisë
Nga OraNews Përditësimi i fundit 12 Shkurt 2021, 14:13
Covid-19 nuk ka kursyer as ambasadorët. Përmes postimeve në rrjetet sociale, Ambasadorja e SHBA-së në Tiranë Yuri Kim dhe ambasadorja e Suedisë, Elsa Hastad kanë konfirmuar se kanë rezultuar pozitive me koronavisur.
Përmes një postimi në Twitter, zonja Kim shtoi se do të vazhdojë me detyrat e saj ndërsa ishte e vetëizoluar.
Yuri Kim: Miq, doja t'ju njoftoja se jam testuar pozitivisht për COVID-19. Unë do të vazhdoj të kryej detyrat e mia ndërsa jam vetë-izoluar në shtëpi për ditët në vijim. Faleminderit për urimet tuaja dhe ju lutemi qëndroni vigjilentë për shëndetin tuaj!
Më pas ishte ambasadorja Elsa Hastad e cila në Instagramin e saj ka thënë se do të izolohet dhe do të punojë nga shtëpia.
“Sapo rezultova pozitive me Covid-19. Do të qëndroj e izoluar dhe do të punoj nga shtëpia. Mendimet e mia janë për të gjitha gratë që janë goditur rëndë nga pandemia. Qëndroni të sigurtë”, shkruan Hastad
Friends, I wanted to let you know I have tested positive for COVID-19. I will continue to carry out my duties while self-isolating at home for the coming days. Thank you for your kind wishes & please stay vigilant for your health! ?
— Ambassador Yuri Kim (@USAmbAlbania) February 12, 2021
