OBSH,thirrje urgjente globale: Përgatituni për pandeminë e radhës
Nga OraNews Përditësimi i fundit 8 Shtator 2020, 13:00
Bota duhet të përgatitetpër pandeminë e radhës. Paralajmërimi i fortë vjen nga Drejtori i Përgjithshëmi OBSH-së, Tedros Adhanom Ghebreyesus i cili bëri thirrje për shtetet të marrin masa urgjente për rritjen e investimeve në shëndetinpublik. Tedros e bëri deklaratën në një konferencë për shtyp, nga selia e OBSH,ku konfirmoi se numri i të prekurve me koronavirus në rang global ka shkuar në mbi 27 milionë, nga të cilët881 mijë viktima.
"COVID-19 po na jep të gjithëve shumë mësime. Njëri prej tyre është se shëndeti nuk është një send luksoz për ata që mund ta përballojnë atë. Është një domosdoshmëri dhe një e drejtë e njeriut. Shëndeti publik është themeli i stabilitetit social, ekonomik dhe politik. Kjo do të thotë të investosh në shërbime të bazuara në popullatë për parandalimin, zbulimin dhe reagimin ndaj sëmundjeve "-tha Tedros.
"Kjo nuk do të jetë pandemia e fundit. Historia na mëson se shpërthimet dhe pandemike janë një fakt i jetës. Por kur të vijë pandemia tjetër, bota duhet të jetë gati, më shumë sesa ishte kësaj here"-shtoi ai.
Tedrosvuri në dukje se ndërsa shumë vende kanë bërë përparim të konsiderueshëm në mjekësi,të tjerët kanë lënë pas dore sistemet e tyre të shëndetit publik. Kështu, ai uka bërë thirrje vendeve të rritin investimet, që janë çelsi për t'iu përgjigjurshpërthimit të sëmundjeve infektive.
