Bashkia e Tiranës, Ramës: Para se të premtosh, kërko ndjesë për ato që s’bërë në 11 vjet
Nga OraNews Përditësimi i fundit 21 Maj 2013, 19:40
Para se të premtosh, kërko ndjesë për ato që nuk bërë në 11 vjet. Reagimi vjen nga Bashkia e Tiranës për kreun e PS Edi Rama lidhur me deklararat e tij gjatë takimit me banorët e Kombinatit. Në deklaratë për mediat, Bashkia e Tiranës i bën thirrje Ramës të zbresë nga autobusi i tij dhe të hipë në ata të Kombinatit, të cilët i la në mjerim.“Zoti Rama, zbrit nga autobusi yt dhe hip në autobusat e rinj të Kombinatit që i lë në mjerim. Sot në Kombinat po përfundojnë disa investime dhe 10 të tjera janë në projektim. Zoti Rama, para se të premtosh, kërko ndjesë për ato që nuk bërë në 11 vjet. E kuptojmë largimin tënd nga bashkëbisedimi dhe moskandidimi në Tiranë se nuk përballesh dot me bilancin tënd 11-vjeçar”thekson zyra e shtypit të Bashkisë.Kryetari i PS gjatë takimit me banorë të njësisë nr 6 në Tiranë, sulmoi punën e pasardhësit të tij në Bashkinë e Tiranës, duke e vlerësuar një Kryebashkiak vetëm në kutinë e televizorit dhe asgjë më shumë.“Problemi më i madh që ne kemi me qytetet tona është infrastruktura arsimore dhe sociale, kur drejtonim Bashkinë e Tiranës kemi bërë shumë në këtë drejtim, por qeveria ka refuzuar ti japë troje Bashkisë për të ndërtuar cerdhe dhe shkolla, ka privatizuar asetet publike për klientët, miqtë e me radhë. Do e ndryshojmë këtë qasje, jemi të vendosur tu japim lagjeve mbështetjen për të funksionuar si qëndra komunitare. Në 8 maj ndryshoi drejtimi i Bashkisë, por deri sot kemi një kryetar Bashkie vetëm në kutinë e televizorit dhe asgjë më shumë. Janë hapur rrugë dytësore me kohë dhe akoma s’po mbarojnë.Këto janë pasoja e një drejtimi që buron nga vjedhja e votës”theksoi Rama.
