Sulm me bombë në Afganistan, 14 të vdekur
Nga OraNews Përditësimi i fundit 20 Maj 2013, 12:20
Të paktën 14 persona, përfshirë një politikan, kanë humbur jetën nga një sulm vetëvrasës në veri të Afganistanit.Burimet zyrtare bëjnë të ditur se një bombë ka shpërthyer para një ndërtese qeveritare në qytetin Pul-e Khumri.Mësohet se kreu i këshillit provincial, Rasoul Mohseni, dhe disa roje të tij janë në mesin e të vrarëve.Autoritetet kanë konfirmuar edhe vdekjen e shtatë civilëve. Përgjegjësinë për sulmin nuk e ka marrë ende asnjë grup.
