Me 14 prill intervista me gojë dhe testi psikologjik për 300 konkurentët e dytë
Nga OraNews Përditësimi i fundit 12 Prill 2016, 18:02
Të enjten me 14 prill në orën 07:30, në Akademinë e Sigurisë, zhvillohet intervista me gojë dhe testi psikologjik me 300 konkurrentët e dytë të Drejtorisë Vendore të Policisë Tiranë, si dhe konkurrentë të Drejtorisë Vendore të Policisë Kukës dhe Durrës, të cilët janë kualifikuar pas fazave të testimit me shkrim dhe testimit fizik.Aplikantët duhet të paraqiten me fletën e pranimit dhe dokument identifikimi (Pasaportë ose Kartë Identiteti).Aplikantët e tjerë do të njoftohen në vijim për ditën dhe orën e intervistës me gojë dhe testit psikologjik.Në udhëzuesin për Aplikim, i cili është i publikuar në faqen e internetit të Policisë së Shtetit www.asp.gov.al (rubrika Akademia e Sigurisë) është përcaktuar: “c)intervista me gojëQëllimet e intervistës me gojë janë të vlerësojë:a. aftësitë e aplikantit për të menduar, analizuar, komunikuar dhe marrë vendime;b. aftësitë e aplikantit për të reaguar në mënyrën e duhur në kushtet e një stresi minimal;c. përshtatshmërinë e aplikantit për t’u bërë punonjës Policie
- Komisioni i Intervistës i bën aplikantit pyetje të strukturuara, të cilat nuk kërkojnë njohuri paraprake të teknikave apo praktikave policore. Pyetjet testojnë aftësitë e aplikantit për të komunikuar qartë, për të shprehur ide dhe koncepte, si dhe për të analizuar dhe marrë vendime.
