Shpërthim i fuqishëm në qendër të Ankarasë, 37 të vdekur, mbi 100 të plagosur
Nga OraNews Përditësimi i fundit 14 Mars 2016, 08:44
37 të vdekur dhe mbi 100 të plagosur është bilanci i një shpërthimi të fuqishëm në qendër të Ankarasë në Turqi. Ngjarja e rendë ndodhi mbrëmjen e së dielës (13 Mars) në lagjen "Kizilay"Mediat shkruajnë se shpërthimi erdhi nga një sulm kamikaz, duke përdorur një makinë bombë.Policia e shtetit turk ka lëshuar një komunikatë, e cila konfirmon vdekjen e 34 personave, ku 30 vdiqën në vendin e ngjarjes dhe 4 të tjerë rrugës për në spital. Ndërsa ministri turk i Shëndetësisë, Mehmet Muezzinoglu, tha se kanë ndërruar jetë edhe 3 persona që ishin në gjendje rëndë e kritike për jetën.Dëshmitarët nga vendi i ngjarjes thanë se shpërthimi ka ndodhur në afërsi të stacionit të autobusave në bulevardin “Ataturk” dhe në afërsi të shumë institucioneve shtetërore, ndërsa janë dëgjuar edhe të shtëna armësh.Nga shpërthimi, disa automjete ishin përfshirë nga zjarri. Ndërsa forcat e policisë rrethuan zonën dhe evakuuan banorët për shkak të ndonjë rreziku nga një sulm i dytë.Ndërsa Këshilli i Radio Televizionit të Lartë Turk ka vendosur të ndalojë publikimin e imazheve të shpërthimit.Ky është shpërthimi i tretë i madh që ka goditur kryeqytetin turk që nga tetori 2015.Vetëm disa javë më parë rreth 30 persona humbën jetën nga një shpërthim kamikaz në Turqi.Ministria e Mbojtjes: Nuk ka shqiptarë të lënduarMinistria e Mbrojtjes së Shqipërisë tha se asnjë prej 71 studentëve që studiojnë në Ankara nuk janë prekur nga sulmet.Bushati:Terrori goditi sërish Ankaranë, lutje për viktimat dhe familjet e tyreNë lidhje me sulmet në Ankara ka reaguar edhe ministri i Punëve të Jashtme të Shqipërisë, Ditmir Bushati, i cili dënon ashpër sulmet.Nëpërmjet një positimi në Twitter, Bushati shkruan:“Terrori goditi sërish Ankaranë. Mendimet dhe lutjet tona shkojnë për viktimat dhe familjarët e tyre. Ne qëndrojmë në solidaritet me ngjarjen tragjike.”Thaçi: Rreziku i terrorizmit është globalEdhe një sulm me bombë në Ankara, duke goditur popullin dhe shtetin mik turk. Ngushëllimet e sinqerta për familjarët e viktimave. Sulmet e kësaj mbrëmje në Turqi, por edhe në Bregun e Fildishtë, tregojnë se rreziku i terrorizmit është global dhe në këtë betejë edhe Kosova është pranë aleatëve tonë.Kryeminsitri mbledh Këshillin e Sigurimit Kryeministri turk Ahmet Davutoglu ka thirrur një takim sigurie në selinë e Presidencës Këshillin e Sigurimit në AnkaraKamerat e sigurise filmojne momentin e shperthimithttps://www.youtube.com/watch?v=jCGIk58ENLAhttps://www.youtube.com/watch?v=235y6URyf1chttps://www.youtube.com/watch?v=zT4S_6xHq6s
