Vrasja e trefshitë në Elbasan, kamerat nuk i kanë fiksuar autorët, 19 të shoqëruar
Nga OraNews Përditësimi i fundit 5 Shkurt 2016, 10:49
Megjithë kontrollet e shumta dhe pyetjen e mjaft personave policia dhe prokuroria e Elbasanit ende nuk ka rënë në gjurmë të autorëve të masakrës, që ndodhi mbrëmjen e së mërkurës në Elbasan nga ku humbën jetën tre persona dhe u plagosën 8 të tjerë.Mesa duket edhe kqyrja e kamerave të sigurisë të lokalit apo objekteve afër nuk kanë mundur të ndihmojnë në identifikimin e autorëve.Mësohet se e vetmja kamer që ka fiksuar diçka nga dinamika e ngjarjes, po jo shumë të qartë është ajo e rrugës përballë lokalit.Por sipas burimeve pamjet janë të paqarta dhe nuk ndihmojnë dot në identifikimin e autorëve.Ndërsa kamerat që kishte vetë lokali nuk kanë fiksuar asgjë, pasi atë ditë nuk kanë qenë në punë.Mësohet se ende është e papërcaktuar qartësisht edhe pista kryesore e vrasjes.Dyshimet e para ishin për hakmarrjen disa vjeçare që fisi Çapja kishte me fisin Mema, por ndërkohë mësohet se këta të fundit kanë njoftuar menjëherë policinë, duke i thënë se nuk janë të përfshirë dhe se vihen në dispozicion të hetimeve. Madje sipas burimeve ata kanë kërkuar edhe mbrojtje.Ndërkohë policia dhe FNSH kanë vijuar kontrollet gjatë orëve të vona të mbrëmjes se djeshme dhe orët e para të mëngjezit të së premtes.Mësohet se janë kontrolluar 16 banesa dhe janë shoqëruar për verifikim 19 persona.Gjithashtu janë kryer verifikimi i 13 mjete të dyshuara me atë si automjeti që kanë kryer krimin.Ndërkohe gjendja e të plagosurve në spitalin e Traumës në kryeqytet sipas mjekëve vazhdon të jetë e stabilizuar.Gjatë ditës se djeshme është transportuar për në Spitalin Ushtarak edhe një nga të plagosurit që ndodhej në spitalin e Elbasanit, i cili sipas mjekëve ka dëmtime në shtyllën kurrizore.
