Gjon Cali: Shteti shkatërroi provat dhe vuri drejtësinë në shërbim të deputetit

Nga OraNews Përditësimi i fundit 24 Nëntor 2015, 19:16

Në Shqipëri duhet të jesh kriminel për të fituar të drejtën.Me këtë akuzë të fortë ndaj shtetit shqiptar reagon familja Cali vetëm një ditë pasi Gjykata e Lartë ndryshoi masën e sigurisë nga "arrest me burg" në "arrest shtëpie” për deputetin Armando Prenga.Gjon Cali, një nga anëtarët e familjes më të cilën Prenga ishte në konflikt për të drejtën e shfrytëzimit për peshkim të Lagunës së Patokut nuk flet me emra, por thotë se “pushteti” prishi provat pranë komisariatit të Kurbinit ku u konfliktuan anëtarë të dy familjëve Prenga dhe Cali dhe i vuri në favor të deputetit.Gjon Cali: "Vendimi i gjykatës kofirmoi dhe njëherë se në Shqipëri nuk ka drejtësi dhe këtu gjithçka është e varur nga pushteti.Ky vendim i dhënë na dha ne si familje një tjetër goditje të rëndë. U lirua autori i cili qëlloi me armë në dyer të Komisariatit të Policisë, duke na plagosur njerëzit tanë të cilët janë të pafajshëm, por që mbeten në burg. Me këtë vendim na u tha që në këtë vend duhet të jesh kriminel për të fituar të drejtën. Segmente të caktuara të shtetit na kanë goditur me 4 shtator të këtij viti, në vend që të na mbronin.Ky është një absurditet tepër i madh dhe tregon se në këtë shtet nuk funksionin asgjë vetem interesat e politikanëve. Pas kësaj ngjarje pushteti politik na goditi sërish padrejtësisht, duke lejuar që të prishen provat e ngjarjes dhe të pastrohen të gjitha gjurmët e ngjarjes. Pushteti vuri në funksion të deputetit Prenga drejtësinë, duke bërë gjithçka që mos të zbardhet e vërteta e kësaj ngjarje. Ne e kemi të vështirë për të fituar të drejtën pa barazi para ligjit dhe të vetëm kundër pushtetit".Deputeti, Armando Prenga, i dyshuar si një nga protagonistët kryesorë në përplasjen me armë me familjen Cali në Lagunën e Patokut më datë 4 shtator, prej dy muajsh qëndronte në qeli, ndërsa vetëm një ditë më parë, Gjykata e Lartë vendosi të ndryshojë masën e sigurisë nga “arrest me burg” në “arrest shtëpie”.Laguna e Patokut vijon të shrytëzohet nga firma e vëllait të deputetit Armando Prenga.Ndonëse Gjykata Administrative vendosi ta shfuqizojë tenderin ata e kanë apeluar sërish këtë vendim në Gjykaten e Apelit me pretendimin se vendimi është dhënë padrejtësisht.Derisa Gjykata Administrative të shprehet përfundimisht për këtë çështje, familja Cali nuk ka të drejtë që ta shfrytëzojë lagunën për peshkim.