Rama inspekton stadiumin "Loro Boriçi": Ecuria e punimeve meriton përgëzime
Nga OraNews Përditësimi i fundit 4 Nëntor 2015, 15:59
Kryeministri Edi Rama së bashku me deputetin e Shkodres Agron Çela, prefektin Paulin Radovani dhe zv/ministrin e kulturës Zef Çuni inspektoi ecurinë e punimeve në stadiumin "Loro Boriçi".Pasi u takua me inxhinierin dhe punonjësit e firmës, Rama u shpreh se ndjehet i mrekulluar nga kjo ecuri e punimeve dhe puna e bërë meriton përgëzime maksimale.Çdo pjesë e stadiumit është parë nga afër, si tribunat e reja, ashtu edhe rikonstruksioni i ekzistuese, ndërsa një ndalesë të veçantë e bëri edhe në atë që cilësohet pjesa VIP bashkë me vendin e medias, dhomat e zhveshjes së lojtarëve etj.Kryeministri Rama tha se brenda pak javësh do të rikthehet për të qënë në inagurimin e impjantit, që do të shënohet me një ndeshje mes kombëtares së veteranëve dhe ekipit aktual. Për ta mbyllur këtë vizitë dhe duke lënë takimin në inagurimin e shtëpisë së dytë të kombëtares, ai shpalosi edhe finalizimin e projektit ku tha se jashtë stadiumi i ri do të vishet me xham, duke i dhënë një pamje moderne dhe në parametra europiane.Porosia e fundit që ju dha direkt deputetit Çela dhe prefektit Radovani, ishte ndjekja e kësaj faze finale të punimeve dhe shfrytëzimi i cdo dite në maksimum për të kurorëzuar këtë vepër që i dhurohet Shkodres si djep i futbollit dhe gjithë Shqipërisë.
