Dialogu Kosovë-Serbi, ndërkombëtarët: Presim përgjigjen nga dy kryeministrat
Nga OraNews Përditësimi i fundit 4 Prill 2013, 09:51
Ndërsa ka deklaruar për përfundimin e dialogut mes Kosovës dhe Serbisë, ndërmjetësuesja në këtë dialog, shefja e politikës së jashtme në BE Catherine Ashton ende nuk ka vendosur zyrtarisht për këtë proces.Zëdhënësja e saj, Maja Kocijançiç tha se ekzistojnë elementet për një zgjidhje të mundshme dhe se dyert janë të hapura. Sipas Kocijanciç propozimet e hedhura gjatë takimit mbeten ende në tavolinë. Ajo tha se Ashton nuk e ka në plan që të mbaj një raund të ri dialogu, ndërsa theksoi se pritet një përgjigje nga të dy kryeministrat."Nuk mundemi të spekulojmë se çfarë do ndodhë. Ekzistojnë elemente për zgjidhje të mundshme ndërsa dy palët tani do konsultohen në kryeqytetet e tyre dhe ne fund do të komunikojnë vendimin, e ndërsa ne do shohim se si do veprojmë" tha Maja Kocijançiç.Shefja e diplomacisë europiane pret që brenda të martës të marrë një përgjigjepasi gjatë këtij muaji do raportojë tek shtetet anëtare në lidhje me tërësinë e procesit të dialogut.Ndërsa Zëdhënësja e Departamentit amerikan të Shtetit Viktoria Nuland u bëri thirrje Kosovës dhe Serbisë që të studojnë propozimet e diskutuara në takimin me shefen e politikës së jashtme të Bashkimit Evropian dhe të rikthehen në Bruksel për të arritur një marrëveshje." Shtetet e Bashkuara e kanë mbështetur diplomacinë e zonjës Ashton, i kanë përshëndetur angazhimet serioze të të dyja palëve dhe tani u bëjmë thirrje të dyja palëve ta shfrytëzojnë këtë mundësi, të studiojnë propozimet që janë paraqitur dhe të rikthen në Bruksel të përgatitur për të arritur një marrëveshje," zonja Nuland.Ndërkohë edhe kryeministri i Kosovës, Hashim Thaci tha se takimi i fundit në Bruksel ishte i gjatë dhe i rëndë. Thaçi tha se bashkësia e komunave me shumicë serbe nuk do të ketë përgjegjësi ekzekutive, ndërsa theksoi se procesi nuk mund të cilësohet si i dështuar.
