Moska: SHBA po ndërhyn në punët e brendshme
Nga OraNews Përditësimi i fundit 30 Mars 2013, 12:00
Rusia ka akuzuar Shtetet e bashkuara të Amerikës se po ndërhyjnë në punët e brendshme. Moska zyrtare thekson se financimi i vazhdueshëm i organizatave joqeveritare në Rusi nga ana e Shteteve të Bashkuara është “ndërhyrje e hapur në punët e brendshme”.Zëdhënësi i Ministrisë së Jashtme, Aleksandr Lukashevich, ka thënë se deklaratat e Departamentit amerikan të Shtetit se do të vazhdojë financimin e OJQ-ve në Rusi përmes vendeve të treta, paraqesin përpjekje për të anashkaluar ligjet ruse.Autoritetet ruse kanëzhvilluar kontrolle në disa organizata në javët e fundit, për të verifikuar nëse ato u janë bindur ligjeve, të miratuara së fundmi, për marrjen e financimeve nga jashtë.Të enjten, zëdhënësja e Departamentit amerikan të Shtetit, Victoria Nuland, ka thënë se Rusia ka nisur “gjueti shtrigash” kundër OJQ-ve.
