Gjuriç: Përgjegjësia për suksesin e dialogut është te ndërkombëtarët
Nga OraNews Përditësimi i fundit 19 Mars 2013, 10:20
Para raundit të shtatë të bisedimeve në nivel kryeministrash ndërmjet Kosovës dhe Serbisë, raund ky që nesër zhvillohet në Bruksel, përfaqësues të Beogradit thonë se përgjegjësia për “suksesin e dialogut është në Prishtinë dhe te komuniteti ndërkombëtar”.Marko Gjuriç, këshilltar i presidentit serb, Tomisllav Nikoliç, ka thënë se Serbia ka bërë gjithçka në lidhje më dialogun me Kosovën.Ai ka folur edhe për atë që ai i quajti “dokumente joformale”, duke thënë se ato janë në qarkullim, por askush, sipas tij, nuk ka kërkuar as nga Prishtina, e as nga Beogradi, t’i pranojë ato."Presim që në raundin e ardhshëm të bisedimeve të shohim edhe mendimin e BE-së mbi këto dokumente, duke qenë se janë ndërmjetës në dialog, por edhe të dëgjojmë nëse Prishtina ka lëvizur qoftë edhe një milimetër nga qëndrimet e saj”, ka thënë Gjuriç, transmetojnë mediat serbe.
