Akuzat e PD për kokainën, reagon PS: E vetmja opozitë që sulmon policinë
Nga OraNews Përditësimi i fundit 17 Janar 2015, 16:22
Laboratori i Kokainës në Xibrakë të Elbasanit ka përplasur PD e PS. Pas akuzave të PD se qeveria lejoi aktivitetin e bandës, ka reaguar PS. Në një dalje për mediat Ervin Bushati tha se kjo opozitë është e vetmja që sulmon policinë.Bushati tha se kjo opozitë bëhet qesharake me deklaratat kundër policisë, duke e akuzuar se përse arrestoi bandën e drogës. Deklarata e ploteOpozita vazhdon të bëhet çdo ditë e më qesharake me deklaratat e saj kundër Policisë së Shtetit. Akuzojnë policinë pse arrestoi bandën e laboratorit të drogës në Elbasan, njësoj siç akuzuan Policinë e Shtetit pse çliroi Lazaratin nga prodhimi dhe trafikimi i kanabisit.Është e vetmja Opozitë në botë që akuzon Qeverinë dhe policinë pse ndalon kriminelët dhe lufton trafiqet.Dhe kush flet? Partia Demokratike që tetë vjet në pushtet kishte të gjithë informacionin për trafikun dhe prodhimin e drogës në Lazarat. Trafik lëndësh narkotike dhe aktivitet kriminal që bëhej mu në mes të ditës e që Partia Demokratike nuk lëvizi gishtin për të ndërhyrë. Partia Demokratike, që tetë vjet në pushtet ishte në presion të vazhdueshëm nga partnerët ndërkombëtarë për të ndërhyrë në Lazarat, por pati frikë ta bënte.E tani që Qeveria e re i ka shpallur luftë pa kompromis drogës dhe trafikut, tani që Lazarati u çlirua dhe laboratori i narkotikëve në Elbasan u kap, Partia Demokratike që qëndroi tetë vjet duarkryq na gjen kurajon për të akuzuar.Turp për ta; turp për ish ministrin e Drejtësisë, turp për ish zëvendësministrin e brendshëm e turp mbi të gjitha për ish kryeministrin, që vendin e zhytën në krim dhe trafik e tani hiqen si të pafajshëm për gjithçka bënë për tetë vjet rresht.
