Kritiku i Kremlinit Alexei Navalny dënohet 3.5 vjet burg, lirohet me kusht
Nga OraNews Përditësimi i fundit 31 Dhjetor 2014, 10:12
Një gjykatë ruse shpalli fajtor aktivistin politik Alexei Navalny për mashtrim në shumën 500 mijë dollarë të një kompanie franceze kozmetike.Gjykata e dënoi me 3 vjet e gjysmë burgim, por e liroi me kusht avokatin 38-vjeçar, një dënim ky shumë më i ulët se ndëshkimi me 10 vjet burg që kishin kërkuar prokurorët. Edhe vëllai i Navalny, Olegu mori të njëjtin dënim, por u dërgua në burg.Gjykata pritej ta jepte dënimin më 15 janar, por e shpalli vendimin më herët pa dhënë shpjegim për ndryshimin e datës.Një faqe në Facebook, e krijuar me thirrjen për protesta në 15 janar, në datën e planifikuar fillimisht për shpalljen e dënimit, kishte tërhequr dhjetëra mijëra përkrahës.Navalny doli nga gjykata pas shpalljes së vendimit dhe u bëri thirrje përkrahësve të vazhdojnë protestat. Navalny ka qenë në “arrest shtëpie” që nga muaji shkurt për pjesëmarrje në një protestë pa leje.
