Sulm Ambasadës izraelite në Athinë, 54 të shtëna me armë, s’ka të lënduar
Nga OraNews Përditësimi i fundit 12 Dhjetor 2014, 15:00
Persona të armatosur dhe të paidentifikuar kanë hapur zjarr më armë kallashnikov mbi Ambasadën izraelite në Athinë në orët e para të së premtes.Policia greke deklaroi se fatmirësisht nuk janë shënuar viktima apo dëme serioze. Në deklaratë sqarohet se katër persona me motorra qëlluan mbi ndërtesën e Ambasadës, e cila ndodhet në periferi të Athinës, në anën veriore të saj.Sipas policisë shenjat e plumbave janë dukshëm në mure, ndërkohë që forcat e rendit gjetën rreth 54 predha 40 metër larg oborrit të Ambasadës.Incidenti është dënuar nga qeveria greke, ku Ministri i Rendit Publik grek, Vasilis Kikilias, u shpreh se Greqia mbetet një vend i sigurtë.Ai paralajmëroi të gjitha ata që po përpiqen apo janë përpjekur sistematikisht të cënojnë sigurinë dhe qetësinë e Greqisë, do të përballen me forcën e shtetit dhe të publikut gjithashtu.Policia e Athinës rrethoi zonën rreth Ambasadës, e cila nuk ka qenë asnjëherë tjetër objektiv i sulmeve të tilla në këto vite të gjata të krizës ekonomike greke dhe tensionet sociale dhe politike që e kanë shoqëruar atë.Vitin e kaluar u sulmua rezidenca e Ambasadorit gjerman në Athinë, duke shqetësuar autoritetet vendase, por edhe ato europiane.Bombat, zjarrvëniet dhe sulmet jo me shumë dëme janë të zakonshme në Greqi, e cila ka një histori të gjatë të dhunës së grupeve ektremiste majtiste.
