Sheshel i shpall luftë Vuçiç: Do t'i rrëzoj nga pushteti sëbashku me Nikoliç
Nga OraNews Përditësimi i fundit 12 Nëntor 2014, 15:00
Me të mbërritur në Beograd, ultranacionalisti serb, Vojisllav Sheshelj, ka nisur betejën politike me kryeministrin Aleksandër Vuçiç dhe presidentin Tomisllav Nikoliç, duke thënë se lirimi i tij i përkohshëm do të zgjasë vetëm sa t'i rrëzojë të dy nga pushteti.Gjithashtu ai ka hedhur vrer edhe mbi Gjykatën e Hagës: "Haga në mënyrë brutale më dëboi nga qelia. Nuk e kam kërkuar, as që kanë vendosur ndonjë kusht. Vetëm deshën që sa më parë të më heqin qafesh. Kam premtuar se do ta shkatërrojë Gjykatën e Hagës. Lufta ka zgjatur diçka më shumë, por fitores nuk i shikohen dhëmbët", u shpreh Sheshelj.Lideri i Partisë Radikale është pritur si hero në aeroportin e Beogradit, edhe pse ndodhej në Hagë i akuzuar për krime lufte dhe krime kundër njerëzimit gjatë luftrave të Jugosllavisë.Gjatë qendrimin në Beograd ai e ka të ndaluar që të flasë me dëshmitarë apo me të afërm të viktimave dhe është i detyruar të kthehet në Hagë në momentin e parë që e kërkojnë.Mjekët serbë që e kanë vizituar Shesheljin kanë bërë të ditur se ai vuan nga kanceri në zorrën e trashë që i është përhapur së fundmi edhe në veshka. 60-vjeçari qendron në burgun e Hagës që prej vitit 2003.
