Jean-Claude Juncker vizitën e parë si President në në Athinë
Nga OraNews Përditësimi i fundit 3 Gusht 2014, 09:26
Me një mesazh veçanërisht të ngrohtë për Greqinë dhe kryeministrin Antonis Samaras, presidenti i porsazgjedhur i Komisionit Europian, Jean-Claude Juncker paralajmëron vizitën e tij në Athinë.Në njoftimin për shtyp të KE, nënvizohet se z.Juncker zgjodhi Greqinë për të realizuar vizitën e tij të parë me postin e ri në një shtet anëtar të BE-së.Duke e quajtur kryeministrin grek, “mik dhe koleg”, z.Juncker komunikon se nga Athina do të prezantojë prioritetet e presidencës së tij për punësimin, zhvillimin dhe investimet, ndërsa dërgon një mesazh shprese, optimizmi dhe evidentimi të përpjekjeve që po bëjnë populli grek dhe qeveria greke.Kryeministri Samaras do të takohet me z.Juncker të hënën në orën 12:00. Menjëherë pas takimit, të dy liderët do të bëjnë deklarata të përbashkëta dhe në vazhdim kryeministri Samaras do të shtrojë një drekë për nder të zotit Juncker, ku do të qëndrojë edhe komisioneri i ri i Greqisë në Bashkimin Europian, Dimitris Avramopulos.Të parët për lajmin e fundit. Ndiqni Oranews.tv në Facebook dhe në Twitter
