10 deri në 20 të akuzuar për raportin e Dick Martyt
Nga OraNews Përditësimi i fundit 23 Qershor 2014, 08:50
Dhjetë deri në njëzet pjesëtarë të UÇK-së pritet që të jenë të akuzuar në tri akuza mbi raportin e Dick Martyt për trafik organesh, që do të ngrihen menjëherë pasi të jetë funksionalizuar Gjykata Speciale.Eprorë dhe ushtarë të UÇK-së nga zona e Drenicës dhe Dukagjinit, si dhe pjesëtarë të tjerë të ish Ushtrisë Çlirimtare të Kosovës që kanë operuar në Rahovec do të përballen prej janarit të vitit të ardhshëm me disa akuza që do të ngritën nga Task Forca Speciale e Hetimeve dhe që do të trajtohen nga Gjykata Speciale për Krime Lufte, shkruan Tribuna.Kryeprokurori amerikan Clint Williamson, që po i heton pretendimet e raportit të Dick Martyt, është afër përmbylljes së hetimeve trevjeçare.Hetimet kanë rezultuar se nuk ka prova për të dëshmuar dyshimin më të rëndë që kishte bërë në një raport për Këshillin e Europës ish senatori zviceran Dick Marty. Ushtarët e UÇK-së nuk kanë bërë trafikim organesh. Kësisoj do të hidhet poshtë “drama e shtëpisë së verdhë” që ka ndjekur për vite të tëra imazhin e Kosovës dhe luftës çlirimtare.Megjithatë, gjatë hetimeve, janë gjetur prova për disa krime të kryera nga ish pjesëtarët e kësaj guerile menjëherë pas përfundimit të bombardimeve të NATO-së
