Sarandë, liroi të burgosurin nga paraburgimi në spital, arrestohet polici
Nga OraNews Përditësimi i fundit 28 Mars 2014, 13:48
Arrestohet një punonjës policie, pasi duke u larguar nga vendi i shërbimit ka lejuar një person të ndaluar, të largohet nga dhoma e paraburgimit në Spitalin e Sarandës.Sipas Ministrisë së Brendshme,Shërbimi i Kontrollit të Brendshëm, arrestoi sot në flagrancë punonjësin e policisë Delo Xholi, me detyrë Trupë Shërbimi në Seksionin e Policisë Rendit në Komisariatin e Policisë Sarandë, pasi ka konsumuar elementët e veprës penale të “Shpërdorimit të detyrës”.Punonjësi i policisë Delo Xholi, ka qënë i planizuar me shërbim në dhomën e paraburgimit në Spitalin e Sarandës, me detyrë ruajtjen e shtetasit Stefan Kico Ndini i ndaluar në datën 25.03.2014 për veprën penale të “Vjedhjes”.Nga hetimet e kryera rezulton se punonjësi i policisë Delo Zholi, gjatë shërbimit në ruajtjen e të ndalurit në dhomën e paraburgimit të Spitalit Civil të Sarandës, në kundërshtim me përmbushjen e detyrës, është larguar nga shërbimi duke i krijuar mundësi të ndaluarit të largohet.Me veprimet e mosveprimet e tij, në kundërshtim me ligjin, ky punonjës policie ka konsumuar veprën penale të “Shpërdorimit të detyrës”, parashikuar nga neni 248 i Kodit Penal. Materialet hetimore ju kaluan Prokurorisë së Rrethit Gjyqësor Gjirokastër për veprime të mëtejshme.
