"Marrëzia e fundit" shkon deri në fund, MF "gropos" me fadromë miliona lekë
Nga OraNews Përditësimi i fundit 8 Mars 2014, 09:54
Operacioni “Fund Marrëzisë” ka çuar dëm miliona lekë nëpërmjet shkatërrimit të 680 pajisjeve të lojërave të fatit. Këto makineri janë shkatërruar pasi nuk përmbushnin kriteret ligjore .Paisjet janë konfiskuar në 3 muajt e fundit në sektorin e lojërave të fatit .Lajmi konfirmohet nga Ministria e Financave, e cila deklaron se Njësia e Mbikëqyrjes së Lojërave të Fatit, me udhëzim të Ministrit të Financave ka shktërruar 680 pajisjeve të lojërave të fatit pasi pasi subjektet e tyre nuk dispononin nipt, nuk ishin të pajisur me lejen e ushtrimit të aktivitetit dhe çertifikatën përkatëse.Sipas njoftimit bëhet me dije se në kuadër të planit të ri të masave, Njësia e Mbikëqyrjes së Lojërave të Fatit po kryen çdo ditë kontrolle.Vetëm në muaj janar-shkurt janë konfiskuar 325 makineri dhe pajisje të sektorit të lojërave të fatit.Ndërkohë në muajt nëntor-dhjetor 2013, kjo njësi konfiskoi mbi 1500 pajisje, përafërsisht me të njëjtën sasi konfiskimesh të realizuara gjatë gjithë vitit 2012. Në këto 4 muaj të marrë sëbashku janë vendosur gjithsej 60 gjoba me vlerë 300 mijë dollarë.Ministria e Financave thekson se në bashkëpunim me institucionet e linjës mbetet e angazhuar për t'i dhënë fund "marrëzisë" me lojërat e fatit në vend, ku informaliteti me mospagesat e taksave kishte përfshirë pjesën dërrmuese të sektorit.Në këtë kontekst Ministria e Financave bën me dije se është duke hartuar një paketë të re ligjore, e cila do të kufizojë ekspansionin e këtij aktiviteti.
