Kolumbia i vë afat Farc-ut
Nga OraNews Përditësimi i fundit 3 Dhjetor 2012, 13:00
Presidenti i Kolumbisë, Juan Manuel Santos, i ka vendosur një afat të fundit marrëveshjes së paqes mes qeverisë dhe rebelëve të Farc-ut.Afati është muaji nëntor i vitit 2013.“Ky duhet të jetë një proces që duhet të përfundojë brenda disa muajsh dhe jo vitesh”, theksoi Santos sipas BBC.Presidenti kolumbian shtoi se qeveria do i ofrojë të gjitha garancitë e nevojshme Farc-ut në mënyrë që të braktisë armët dhe t’i bashkohet procesit politik. Ai tha se çdo tentativë për të shtyrë çarmatosjen është e papranueshme.Deri tani, Farc nuk i është përgjigjur afatit të fundit të vendosur nga qeveria.Deklaratat e presidentit vijnë disa ditë pasi Farc-u pranoi se po mban pengje policë dhe ushtarë që janë zënë rob gjatë luftimeve. Një zëdhënëse e grupit rebel theksoi se ata do të lirohen nëse qeveria liron rebelët që mban nga ana e saj.
