Egjipt, priten protesta masive
Nga OraNews Përditësimi i fundit 1 Dhjetor 2012, 10:40
Protesta masive pritet të mbahen sot në Kajro të Egjiptit, si pasojë e tensioneve që ka shkaktuar projekt-kushtetuta e re, e miratuar nga aleatët islamikë të presidentit Muhammad Morsi.Mijëra mbështetës të opozitës kanë protestuar të premten në Sheshin Tahrir dhe në qytete të tjera.Vëllazëria Myslimane, lëvizje nga e cila ka dalë edhe vetë Morsi, u ka bërë po ashtu thirrje mbështetësve të saj që të protestojnë.Asambleja e udhëhequr nga islamikët ka miratuar projekt-kushtetutën e re të premten, pavarësisht bojkotit të liberalëve dhe të krishterëve.Kritikët thonë se ky projekt minon disa të drejta themelore.Morsi pritet të miratojë draftin këtë fundjavë. Ai thotë se miratimi i kushtetutës do të anulojë dekretin e tij të fundit, që i jep vetes kompetenca shtesë për të nxjerrë vendime pa mbikëqyrje gjyqësore.
