Krasniqi: Miratimi i marrëveshjes së 19 prillit, vendim i ngutshëm
Nga OraNews Përditësimi i fundit 27 Dhjetor 2013, 14:54
Kryetari i Kuvendit të Kosovës, Jakup Krasniqi, e ka vënë sërish në dyshim nëse miratimi i Marrëveshjes së 19 prillit, i arritur në dialogun ndërmjet Prishtinës dhe Beogradit, ishte vendim i drejtë apo jo.“Kuvendi nuk ka pasur informacione të mjaftueshme dhe ka marrë vendime të nxituara kur është në pyetje miratimi i Marrëveshjes së 19 prillit”, ka thënë Krasniqi.Këto komente ai i ka bërë në një pritje për mediat për festat e fundvitit.“Nuk e di se sa Kuvendi ka qenë i gatshëm të përgatisë se e cilit nivel ishte ajo marrëveshje. Këtu ka pasur nxitim, por ndoshta këto nxitime e ardhmja do t’i arsyetojë, pasi nuk është lehtë që e tashmja t’i arsyetojë”, është shprehur Krasniqi.Gjatë kohës së miratimit të kësaj marrëveshjeje, Krasniqi nuk e ka dhënë votën e tij dhe në këtë drejtim ai zakonisht ka abstenuar nga votimi edhe për pikat e zbatimit të saj.
