Gjykatësi i Pukës, Shtjefën Lleshi: I gatshëm për hetimet, gjithçka inskenim
Nga OraNews Përditësimi i fundit 9 Dhjetor 2013, 19:21
Një ditë pas arrestimit të prokurorit dhe kancelares së Gjykatës së Pukës, ish-kreu i kësaj gjykate, Shtjefën Lleshi, i implikuar në skandalin e rryshfeteve të denoncuar nga media, ka siguruar drejtësine se nuk do të largohet nga vendi dhe nuk do t'i shmanget hetimit dhe gjykimit deri në fund."Deklaroj këtu publikisht se do të jem i gatshëm të deklaroj për këtë cështje hetimore të filluar tashmë, gjatë gjithë hetimit dhe gjykimit dhe nuk do të largohem për asnjë çast, por do të qëndroj deri në përfundim të hetimit dhe gjykimit të kësaj çështje dhe zbardhjen e saj deri në fund. Po kështu unë do të jem përballë çdo akuze të drejtpërdrejtë, apo akuze të përpunuar rëndom qoftë ajo", tha Lleshi.Lleshi nuk pranoi ti përgjigjej pyetjeve, por deklaroi se nuk ka ndërmend të largohet nga Shqipëria dhe është i gatshëm të përballet me çdo akuzë.
