Fule takon Metën: Opozita të përfshihet në reformat për integrimin
Nga OraNews Përditësimi i fundit 6 Dhjetor 2013, 09:57
Komisioneri për Zgjerim në Bashkimin Europian Stefan Fule është takuar në Bruksel me kryeparlamentarin Ilir Meta. Sipas zyrës së komisionerit, takimi ofroi një mundësi për të shqyrtuar përparimin e Shqipërisë sa i përket reformave që janë të nevojshme për integrimin e vendit në Bashkimin Europian.Komisioneri Fule ka përshëndetur miratimin Parlament javën e kaluar, të rezolutës për integrimin. Sipas tij, miratimi I rezolutës në mënyrë unanime ishte një sinjal i qartë i përmirësimit të bashkëpunimit midis qeverisë dhe opozitës.Ai ka kërkuar përfshirjen e opozitës në reformat e integrimit. "Vazhdoj të theksoj nevojën për gjithpërfshirje dhe duke e bërë opozitën pjesë të avancimit në axhendën e BE. Është e rëndësishme që të ruajnë këtë moment të krijuar nga miratimi i rezolutës, për të zgjeruar përfshirjen e opozitës në procesin e reformave”, deklaroi komisioneri Fule.Ai përshëndeti gjithashtu intensifikimin e masave në luftën kundër korrupsionit dhe krimit të organizuar: "Komisioni i qëndron rekomandimit për t’i dhënë statusin e vendit kandidat, Shqipërisë, e cila ka treguar vendosmëri të qartë në luftën kundër korrupsionit dhe krimit të organizuar duke forcuar kështu besueshmërinë që komisioni të propozojë dhënien e statusit të vendit kandidat" tha Fule.Duke theksuar se veprimet e ndërmarra nga Shqipëria kanë siguruar më shumë argumente në favor të dhënies së statusit të kandidatit ,Komisioneri megjithatë theksoi se vendimi u takon shteve të BE-së.
