Amber Heard: Nuk më vjen turp që jam biseksuale
Nga OraNews Përditësimi i fundit 15 Gusht 2013, 11:09
Fama e saj si aktore sa vjen dhe shtohet dhe kjo për faktorë të ndryshëm. Fillimisht ajo e nisi karrierën e saj jo si një aktore kryesore , e cila nuk vihej re nga askush. Aftësitë e saj skenike nuk u vlerësuan më shumë se paraqitja e saj e jashtme dhe trupi i tonifikuar. Por pas lidhjes me aktorin Johnny Deep, Amber Heard filloi të depërtonte më në thellësi të botës se Hollywoodit. Gazetarët, fansat si dhe paparazzët nisën ta ndiqnin kudo, vetëm për ta parë për disa minuta.
Por kulmi i karrierës dhe famës së saj ka qenë në vitin 2010 kur u zbulua se Amber ishte biseksuale. E vetmja gjë të cilën të gjithë e prisnin me padurim ishte reagimi i saj, ku për disa ishte siç e kishin pritur ndërsa për disa të tjerë jo. 27 vjeçarja pohoi se gjithçka e zbuluar kishte qenë e vërtetë. Dhe për më tepër aktorja konfirmoi se nuk i vinte turp nga vetja.
“Të gjithë duan të më shohin te veshur me një fustan të bardhë, përkrahë një mashkulli dhe të jem një femër me një familje perfekte dhe karrierë perfekte. Por unë dal kundër këtyre mendimeve dhe sugjerimeve . Nuk më pëlqen të jem pjesë e një jete normale si shumica e personave. Fakti se jeta ime mund të jetë e stabilizuar më tremb" ka theksua ajo.
Me këto dhe të tjera deklarata aktorja la të kuptohej se krijimi i një familjeje ishte shumë i largët. Në një intervistë të dhënë së fundmi për Flare Magazine ajo u shpreh e kënaqur nga puna me aktorët e stafin filmit të saj më të ri PARANOIA, ku luan përkrahë aktorit Liam Hemsworth dhe pranon se ky film ka shumë skena të nxehta mes dy Amber dhe këtij të fundit.
