Lagy Gaga argëtohet në një gay bar
Nga OraNews Përditësimi i fundit 13 Gusht 2013, 10:20
Ylli i popit Lady Gaga gjithnjë është dalluar për eksperimentet e shumta që ka bërë si me flokët ashtu edhe me veshjet e saj. Por ajo nuk harron kurrë qëllimin e saj kryesor, për të qenë qendra e vëmendjes kudo dhe për të kryesuar faqet e para të revistave jo vetëm për intervista por edhe për skandale të ndryshme.
Këngëtarja 27-vjeçare përsëri tërhoqi vështrimet e habitura të shumë prej adhuruesve të saj. Krahas veshjes ekstravagante për të cilën është kritikuar nga të gjithë, ajo u pa të shkonte në një bar të homoseksualëve në West Hollywood Kaliforni.
Por Gaga jo si zakonisht, e pashoqëruar mori guximin të kërcente në tingujt e muzikës së atij klubi. Të gjithë të pranishmit e mirëpritën dhe kërcyen me të për orë të tëra. Ajo nisi të shoqërohej dhe te bënte biseda të ndryshme me ata që e rrethonin.
Pasi bëri disa foto, nuk humbi mundësinë t`i publikonte në profilin e saj, të rrjetit social twitter ku numëron plotë 4 milion ndjekës dhe jo vetëm. Pas argëtimit së bashku me miqtë e saj të rinj Gaga postoi një status ku tregonte se sa mirë ja kaloi si dhe nënkuptoi mundësitë që një tjetër ditë si kjo e fundit të përsëritej ishin shumë të mëdha.
