Victoria: Ne jemi më normalë se mendojnë njerëzit
Nga OraNews Përditësimi i fundit 12 Gusht 2013, 12:26
Ikona e modës dhe njëkohësisht, gruaja e futbollistit të famshëm David Beckham, Victoria Beckham mësohet se ka qenë imazhi i kopertinës së revistës së famshme "Vogue". Ajo ka pozuar për një fotoset në të cilin shfaqej në formë të shkëlqyer me një fustan të errët veror dhe flokë të kapura thjeshtë. Por pas fotove mahnitëse, ajo ka dhënë një intervistë të hollësishme lidhur me jetën e saj profesionale dhe familjare.
Victoria shprehet se pavarësisht se nuk e transmeton këtë pjesë të sajën është një femër dhe një nënë mëse normale . Ajo e cila është nëna 4 fëmijëve Brooklyn, Romeo, Cruz, dhe vajzës se vogël 2 vjeçare Harper shprehet se preferon më shumë jetën familjare dhe të thjeshtë se sa famën.
Victoria shpjegon se pas një dite të ngarkuar dhe të lodhshme në punë, dëshira më e madhe e saj është të shkojë në shtëpi dhe të shplodhet duke kaluar kohë me David dhe fëmijët në vend që të pozojë përpara fotografëve në tapetin e kuq.
Por kjo sipas saj është dicka e cila për fat të keq ndodh rrallë. Victoria gjithashtu shpjegon se këto kohë ndihet shumë mirë emocionalisht pas dorëheqjes së David nga futbolli, sepse ky i fundit ka më shumë kohë për të kaluar me të. Familja Beckham e cila ende nuk i ka filluar pushimet, mendohet se pas vizitave të Victorias për të publikuar linjën e re nëpër shtete të ndryshme si Japoni, Angli, Indi , Turqi, Rusi dhe Kinë më në fund do të shijojnë disa ditë në bregdet.
