Pamja e jashtme shumë e rëndësishme për Kimin
Nga OraNews Përditësimi i fundit 15 Gusht 2013, 10:24
Aparenca e jashme është diçka shumë e rëndësishme, sidomos kur bëhët fjalë për personat publik të cilët duhet të jenë gjithnjë në formë. Por ndryshe nga nënat e tjera të reja,të cilat muajt e parë pas lindjes i përkushtohen fëmijës duke lënë mënjanë trupin e tyre, Kim Kardashian bën të kundërtën. Ylli i reality show-t më të famshëm amerikan " Keeping Up With Kardashians" pas lindjes së fëmijës së saj të parë, vajzës së vogël North ka nisur menjëherë dieta strikte dhe strërvitje të përditshme për orë të tëra.
Sipas miqve Kanye West i cili njëkohësisht është dhe i dashuri i saj, Kim çdo ditë e më shumë i përkushtohet formave trupore, dhe ditët e para pas lindjes filloi të ndihej shumë keq. Sipas burimeve për revistën Us Weekly, ajo quan veten të shëmtuar dhe obese dhe për këtë arsyje ka refuzuar të dalë në publik.
Kim i ka vënë vetes si qëllim të mos dalë nga shtëpia deri në momentin që do të ketë një trup normal. Rapperi Kanye është ai i cili përpiqet t`i rikthejë të dashurës së tij vetëvlerësimin për veten por thuhet se Kim ja bën çdo ditë e më shumë të vështirë. Pak ditë më parë motra e saj më e vogël Kandell bëri një festë mahnitëse për 16 vjetorin dhe 32-vjeçarja nuk ishte e pranishme. Ajo u shfajësua me faktin se fatkeqësisht nuk kishte arritur të gjente një dado të besueshme për vajzën e saj dhe Kandell u përpoq ta mirëkuptonte.
Pavarësisht se ajo ka humbur më shumë se 30 kg, është duke punuar për të humbur dhe 40 të tjera në muajin e ardhshëm. Çifti West-Kardashian të cilët ende vazhdojnë të refuzojnë të bëjnë publike fytyrën e North, thuhet se janë të lumtur që kanë një vajzë të bukur dhe të shëndetshme. Ata janë përpjekur që asaj të mos i mungojë asgjë, dhe garderoba e saj është mahnitëse. Brenda saj North ka rroba të dizenjuara nga vetë Roberto Cavalli, dhe bizhu të ndryshme si diamante, perla, rubin etj.
