Beyonce me look të ri
Nga OraNews Përditësimi i fundit 8 Gusht 2013, 11:35
Duket se tashmë modeli i flokëve të shkurtra ka filluar të përhapet ndjeshëm, sidomos tek Vip-at. Pas këngëtares Rihanna e cila mësohet se pak ditë më parë rikthehu stilin e dikurshëm të flokëve në ngjyrën dhe formën e saj natyrale, duket Beyonce vendosi të pasonte miken e saj.
Krijuesja e super hitit " Single Ladies " postoi disa foto në mesditën e ditës së djeshme në profilin e saj të rrjetit social Instagram.
Ajo shfaqej me flokët e prera shkurt duke pozuar përpara pasqyrës. Ndërsa në dy foto të tjera Beyonce ishte duke rregulluar dhe vështruar lookun e saj të ri. Këngëtarja e cila është nëna e vajzës së vogël Blue Ivy Carter, mësohet së shpejti do të hedhë në treg albumin e saj të pestë.
Edhe pse ka kaluar vërtet shumë kohë që nga momenti kur ishte menduar se do të publikohej përsëri studio me të cilën po bashkëpunon për realizimin e këngëve siguron se ky album do të jetë ndryshe nga të tjerët pasi do të ketë një ndërthurje e rrymave . Për të siguruar suksesin e këtij albumi Beyonce është duke bashkëpunuar me emra të njohur si Missy Elliot , Ne-Yo, Timberland, producentin e famshëm The-Dream dhe Justin Timberlake.
