Carla Bruni me forma perfekte
Nga OraNews Përditësimi i fundit 5 Gusht 2013, 10:55
Carla Bruni e cila fillimisht u bë e famshme si këngëtare e më pas si modele, edhe pse në moshën 45- vjeçare përsëri vazhdon të ushtrojë këto profesione. Së fundmi mësohet se ajo jo vetëm që është zgjedhur imazhi i një kompanie bullgare, por është duke hedhur në treg edhe albumin e saj të katërt i cili quhet " Little French Songs".
Gjatë një interviste të bërë disa kohë më parë, këngëtarja pranoi se ishte e lumtur që më në fund ky album ishte gati të publikohej pasi kishte punuar vërtet shumë për të. Pjesën më të madhe të këngëve i është dashur ta shkruajë gjatë kohës që mbante në bark vajzën e saj të vogël.
Ajo pranon se ndryshe nga disa femra të cilat gjatë periudhës së shtatëzanisë janë shumë energjike , Carla ndihet e lodhur dhe pjesën më të madhe të ditës e kalon duke fjetur. Por përsëri bëri më të mirën e saj që këto këngë të ishin ndryshe.
Përveç jetës së saj profesionale duket se dhe jeta personale po shkon në mënyrën më të mirë të mundshme. Carla së bashku me bashkëshortin e saj, ish presidentin Nicolas Narkozy, janë duke shijuar pushimet në jug të Francës. Ajo ka nxjerrur në pah forma të cilat shumë femra i kanë zili. Gjatë një ditë të gjatë në plazh, çifti kaloi disa orë në prezantimin e Julien Clerc, e cila është pjesë e festivalit Ramatuelle.
