Kelly Rowland tregon të vërtetën e incidentit në det
Nga OraNews Përditësimi i fundit 5 Gusht 2013, 10:15
Këngëtarja Kelly Rowland, pas shumë peripecish të kaluara ditën e 22 korrikut rrëfeu të vërtetën duke hedhur poshtë pjesën tjetër të thashethemeve. Ajo shpjegon se atë ditë, kishte marrë një varkë me qera së bashku me miqtë me të cilët po kalonte pushimet.
Papritur varka, pësoi një dëmtim pikërisht në vendin që ishin dallgët më të forta dhe nuk kishte valë. Grupi i përbërë nga 7 veta së bashku me këngëtaren qëndruan për më shumë se 10 orë. Kelly shpjegon se ajo ka qenë dita që është lutur më shumë dhe shpesh i përsëriste Zotit fjali të tilla si : " Më ndihmo të shoh të nesërmen".
Por frika u shtua më shumë në momentin kur rreth zonës ku ata po qëndronin u shfaq një balenë dhe të gjithë përpiqeshin të ruanin qetësinë. Pas shumë tentativash 32-vjeçarja arriti të kontaktonte me rojet bregdetare të cilët e ndihmuan të rikthehej në tokë në mesnatë.
Anëtarja e jurisë së X- Factor gjithashtu gjeti rastin të përgëzonte kolegun e saj Simon Cowell i cili ka bërë publik lajmin se do të bëhet baba.
