Selena Gomez ndryshon look
Nga OraNews Përditësimi i fundit 6 Gusht 2013, 10:40
Atë gjithnjë e kemi njohur si një vajzë të vogël, e veshur si një princeshë e kohëve moderne dhe të kujdesshme ndaj gjithçkaje por Selena Gomez është duke vazhduar të na surprizojë dita ditës.
E ftuar për të qenë imazhi i revistës britanike I-D Magazine, aktorja dhe këngëtarja shfaqet me look aspak femëror i cili nuk i përket stilit të saj. Selena e cila kryesonte dy femra të rruar, u paraqit me një palë xhinse dhe bluzë të thjeshtë, por me një pallto të John Varvatos.
Ish ylli i Disney ndryshe nga stinët e kaluara verore ku pozonte për revista me bikini, këtë verë u paraqit me një veshje dimërore. Bashkëngjitur me setin fotografik, Selena dha dhe një intervistë ku pohoi se ishte kundër fotoseteve të përpunuara nga fotoshop.
Ajo bën të ditur se ndihet mirë me veten në këtë mënyrë, pasi nuk paraqitet asnjëherë me bukurinë e një programi kopjuterik siç është fotoshopi por me bukurinë e saj natyrale.
Gjatë intervistës Selena zbuloi se në fëmijërinë e saj ishte një ndër fansat më të mëdha të këngëtares Britney Spears, këngët e së cilës i adhuronte dhe ja këndonte shpesh mikeve të saj kur jetonte në Teksas.
Aktorja dhe këngëtarja e cila tani është e angazhuar me një sërë koncertesh, kërkoi mbështetjen e fansave të Mbretërisë së Bashkuar gjatë datave 8 dhe 9 shtator ku do të mbajë disa koncerte madhështore në Londër brenda të cilave nuk do të ketë vetëm muzikë por edhe kërcim.
