Ne-yo dhe Cher Lloyd një bashkëpunim së bashku
Nga OraNews Përditësimi i fundit 17 Korrik 2013, 12:39
Ylli i X- factor Cher Lloyd dhe këngëtari i famshëm Ne-yo janë duke punuar për bashkëpunimin e tyre të parë, i cili quhet "Its All Good`. Dy këngëtarët shprehen se kënga i dedikohet fansave të tyre, ku i shpjegojnë se gjithçka është mirë. Ky tekst mendohet të jetë ideuar nga vetë Ne-yo, për t`i sqaruar fansave që edhe pse ka kohë që nuk shfaqet në skenë, përsëri gjithçka me të shkon mirë.
Cher ndan me publikun emocionin që ndjeu për herë të parë kur takoi 33-vjeçarin ,duke thënë : ` U ndjeva e trembur në fillim, nuk dija ç`të bëja kur ai ishte përballë meje. Por ajo që më bëri përshtypje ishte se nga një person nervoz që isha në atë moment , Ne-yo më qetësoi tërësisht. Ai është shumë i dashur, i humorit , dhe pozitiv. Më ka mbështetur që në fillim dhe akoma vazhdon ta bëjë në mënyrën më të mirë të mundshme`.
Ajo që vihet re menjëherë tek Cher është stili i të veshurit dhe tatuazhet që ka në krahë. Pavarësisht se paragjykohet nga shumë persona, për 19 vjeçaren ky fakt nuk përben problem. E veshur me një kanatiere gri, streçe të bardha, kapuç të zi dhe konversa të kuqe ajo është parë përpara pak ditësh, duke bërë një shëtitje me të fejuarin e saj Craig Monk, me të cilin ka shumë vite e lidhur, dhe të dy shpresojnë ta finalizojnë me martesë.
