Chris Brown rrezikon të dënohet me 4 vjet burg
Nga OraNews Përditësimi i fundit 16 Korrik 2013, 11:40
Rikthimi i tij me yllin e popit Rihanna, pas 4 vite ndarjeje nuk do të ishte lajmi i fundit që do të dëgjonim për Chris Brown.Pas skandalit të ndodhur në 2009 ku këngëtari rrahu brutalisht të dashurën e tij Rihannë-n , ai është vënë në një provë nga gjykata e Los Angelosit.
Prova përfshinte mosshkeljen e asnjë ligji. Por ai nuk ja ka vënë veshin. Pasi u denoncua nga Olga Gure-Kovalenko të cilën e përplasi me makinë, dhe pa u shqetësuar për viktimën e aksidentuar u largua nga vendi ku ndodhi.
Gruaja, të cilës nuk i ka interesuar fama dhe popullariteti i këngetarit ka vendosur ta trajtojë si çdo qytetar tjetër duke e denoncuar. Ajo nuk ka dashur të japë intervista ose ta bëjë publike çështjen por dha vetëm një koment teksa po dilte nga gjykata."Me famë ose pa famë, me dashje apo pa dashje për mua ai është një qytetar si gjithë të tjerët dhe duhet të ndëshkohet në menyrë të barabartë" tha ajo.Rasti kaloi menjëherë në gjykatë nga ku pritet dhe vendimi. Prokurorët që kanë paraqitur akuza të shumta duket se ja kanë vështirsuar akoma dhe më shumë punen avokatit të Chris, i cili nuk ka shprehur dëshirën për të dhënë deklarata as në mbrojte të klientit të tij.
Gjithçka varet nga vendimi që do të marrë gjykatësi, nqs ai vendos që këngëtari të vazhdojë provën, do të duhet të paguajë vetëm një gjobë, n.q.s vendos ta anullojë Chris rrezikon 4 vite burg !
