Britney Spears ia kushton fundjavën dy djemve
Nga OraNews Përditësimi i fundit 16 Korrik 2013, 11:34
Duket se Britney ka ndërmarrë iniciativën jo vetëm për të qenë një nënë shembullore por dhe një person me gjendje shpirtërore të qetë. Këngëtarja se bashku me dy djemtë e saj vendosën që të dielën ta kalonin nën shoqërinë e paqes që i dhuron ambjenti fetar.
Të tre zgjodhën që rrugën për në kishë ta bënin në një formë shëtitjeje, duke ecur në këmbë nën rrezet e diellit të Kalifornisë. 
Britney ka kohë që ka bërë të ditur se gjithnjë përpiqet të japë më të mirën e saj në jetë, por gabimet e kryera për shkak të papjekurisë së moshës siç e quan ajo nuk e kanë lejuar të nxjerrë në pah edhe anët e saj pozitive, pasi njerëzit gjithmonë preferojnë të fokusohen tek gabimet, sado minimale qofshin ato.
Prandaj ajo ka gjetur shtysë dhe ngushëllim në kishë, të cilën u bë një kohë e gjatë që e frekuenton. Por përveç këngëtares 31-vjeçare dhe 2 djemve të saj të cilët ishin pjesëmarrësit në klipin e saj më të fundit Ohh La Laa duket se mungon dhe i dashuri i ri i Britney-t , Dave Lucado me të cilin ka filluar të shoqërohet që në shkurtin e këtij viti.
