Lil Wayne shkel mbi flamurin amerikan
Nga OraNews Përditësimi i fundit 17 Korrik 2013, 11:14
Raperi i njohur Lil Wayne ka shkaktuar pakënaqësi jo vetëm tek fansat, por tek të gjithë amerikanët me sjelljen e tij. Pavarësisht se persona të ndryshëm shprehen se ai kurrë nuk ka pasur një sjellje shembullore , ose një jetë të qetë, këtë herë arriti të kalonte të gjitha kufijtë.
Gjatë xhirimeve të klipit më të ri, “God Bless Amerika” ai shkeli flamurin amerikan duke fyer jo vetëm të gjithë të pranishmit por dhe ata që e panë videon.
Postimet e shumta nëpër rrjetet sociale nuk kanë munguar dhe duket se ky fakt e ka shtyrë 30-vjeçarin të sqarojë atë që sipas tij është vetëm një keqkuptim. Me një status që ai postoi në Twitter shpejgonte se shkelja e flamurit ishte vetëm sa për xhirimet e klipit dhe performancë, jo se ai kishte diçka kundër flamurit, të cilin pranon se e ka kudo nëpër shtëpi.
Por këto fjalë nuk kanë arritur të bindnin fansat që ju kundërvunë në mënyra nga më të ndryshmet, duke pyetur me ironi se si mund të jetë një performance shkelja e flamurit të vendit ku jeton dhe përfaqëson? Gjatë kohës së xhirimit të pjesës shumë të papëlqyer nga ana e publikut , u pa se shumica e të pranishmeve u larguan duke komentuar gjithçka me njëri-tjetrin.
