Të verbërit do të votojnë me shoqërues, dështon projekti për një fletë të veçantë
Nga OraNews Përditësimi i fundit 21 Qershor 2013, 18:29
Edhe në këto zgjedhje, të verbërit do të votojnë me anë të një shoqëruesi, pasi ka dështuar projekti për miratimin e një flete të veçantë.Kreu i Shoqatës së të Verbërve në Shqipëri, Sinan Tafaj, ka deklaruar se pavarësisht kësaj, rreth 10 mijë të verbër do të japin votën e tyre në zgjedhjet parlamentare të 23 Qershorit.Ndërsa në lidhje me paraplegjikët dhe tetraplegjikët, Tafaj ka shpjeguar se u është mundësuar ndërtimi i rampave apo vendosja e qendrave të votimit në katet e para dhe po kështu personat me vështirësi dëgjimi kanë patur mundësi të mësojnë për mënyrën e votimit nëpërmjet komunikimit me shenja, realizuar në spote televizive.
