Pakti detar. AK: Të zbatohet vendimi i Kushtetueses
Nga OraNews Përditësimi i fundit 13 Nëntor 2012, 12:13
Aleanca Kuqezi ka reaguar sërish sot për kërkimet e naftës nga Greqia në ujrat territorial të shqipërisë.Në një deklaratë për shtyp, AK-ja ka kërkuar nga kompania norvegjeze të respektojë vendimin e Gjykatës Kushtetuese që shfyqëzon marrëveshjen detare me Greqinë.Përfaqësues të AK-së kanë deklaruar se nëse nuk do të zbatohet vendimi i Kushtueses atëherë ata do t`i drejtohen gjykatave ndërkombëtare.“Kompania norvegjeze duhet të respektojë vendimin e Gjykatës Kushtetuese e cila shfuqizon marrëveshjen tradhtare të qeverisë shqiptare. Do t'i drejtohemi gjykatave ndërkombëtare, nëse shkelet vendimi i Gjykatës Kushtetuese. Atdheu është i shqiptarëve, jo i tradhëtarëve, shqiptarët janë zot të tokës së tyre. Berisha u ka bërë dhuratat më të shëmtuara shqiptarëve për 100-vjetorin e pavarësisë” thekson AK-ja.Ndërkohë ditën e djeshme aktivistë të AK-së kanë vendosur pika vrojtimi në bregdetin jonian që sipas tyre do të bëjnë të mundur mbrojtjen me çdo kusht dhe në çdo kohë integritetin territorial të Shqipërisë.
